काठमाडौं — चीनमा अनुसन्धानमा संलग्न मधेसी मूलका प्रोफेसर डा. राजिव झा काठमाडौंका मेयर बालेन्द्र शाह (बालेन) विरुद्ध आक्रामक रूपमा टिप्पणी गर्दै सामाजिक सञ्जालमा विवादमा तानिएका छन्।

उनले आफ्नै फेसबुक खातामा लेखेका छन्, “Kathmandu ko pohar Balen ko ghar agadi rakhnu parcha. Tyasko budi vip aru k?”  [“काठमाडौंको फोहोर बालेनको घर अगाडि राख्नुपर्छ। उसको श्रीमती VIP अरू के हो?”] — जसले बालेनमाथि मात्र होइन, उनका परिवारमाथि समेत व्यक्तिगत टिप्पणी गरेको आरोप लागेको छ।

सार्वजनिक व्यक्तित्वको हैसियतमा यस्तो अशोभनीय अभिव्यक्ति दिएका कारण धेरैले डा. झाको आलोचना गरेका छन्। कतिपयले यसलाई “विद्वानको असन्तुलित क्रोध” भनेका छन् भने अरूले “बालेनको लोकप्रियताप्रति डाह”को रूपमा व्याख्या गरेका छन्।

काठमाडौंका मेयर बालेन शाह हाल विभिन्न विवादका बीच पनि सामाजिक सञ्जालमा जनसमर्थनका लागि चर्चामा छन्, र यो पोस्टले झनै उनको पक्षमा सहानुभूति बढाएको देखिन्छ।
 

बालेन्द्र शाह