काठमाडौं- नेपाली कांग्रेसले एक जना कर्मचारीका लागि दलीयकरण नगर्न नेकपा माओवादी केन्द्रसहितका विपक्षी दललाई सुझाएको छ। कांग्रेसका प्रमुख सचेतक श्याम घिमिरेले बिहीबार बसेको प्रतिनिधिसभाको बैठकमा बोल्दै यस्तो बताएका हुन् ।

बिहीबार प्रतिनिधिसभा बैठकको विशेष समयमा बोल्दै घिमिरेले घिसिङलाई देवत्वकरण नगर्नसमेत सुझाव दिए । एउटा कर्मचारीलाई दलीयकरण गरेर संसद्को प्रतिपक्ष उठेको देख्दा लाज लागेको उनले बताए ।

नेपालको कर्मचारीतन्त्र दूधले नुहाएको नभएको उनको भनाइ छ । उनले देवत्वकरण गरेर टाउकोमा नै बोकेर हिँड्ने हो भने सबै प्रतिपक्षी दलहरूको अध्यक्ष कुलमानलाई नै बनाउन सुझाव दिएका छन् । त्यस्तै उनले बर्षायामअघि नै बीपी राजमार्ग निर्माणको काम सम्पन्न गर्न सरकारको ध्यानाकर्षण गराएका छन् ।