काठमाडौं । प्रधानमन्त्री केपी शर्मा ओलीले पूर्वराजा ज्ञानेन्द्र शाहलाई ०८४ को निर्वाचनमा भाग लिन चुनौती दिएका छन्। शुक्रबार कर्णाली प्रदेशसभाको बैठकलाई सम्बोधन गर्दै ओलीले पूर्वराजालाई लक्षित गर्दै भने, "यदि तपाईंलाई लाग्छ कि तपाईं लोकप्रिय हुनुहुन्छ भने, ०८४ को निर्वाचन पर्खनुहोस्।"

ओलीले पूर्वराजाको सम्भावित राजनैतिक कदमलाई लिएर आलोचना गर्दै, "अराजकता मच्चाएर सत्ता कब्जा गर्ने के उद्देश्य हो?" भनि प्रश्न उठाए। उनले जनतालाई विश्वास नगरी, बहुमतको शासन र संविधानको पालना नगर्ने प्रणाली ल्याउने कोसिसलाई कडा आपत्ति जनाए।

उनले थपे, "यदि तपाईंलाई लाग्छ कि तपाईं लोकप्रिय हुनुहुन्छ भने, ०८४ को निर्वाचन पर्खनुस्, आउनुस् र चुनावमा स्वागत छ।" ओलीले चुनावको कुरा उठाउँदै कांग्रेस र एमालेको सहमति आगामी निर्वाचनसम्म अडिग रहने दाबी गरे।

ओलीले देशको वर्तमान अराजकता र संविधानको उल्लंघन गर्ने प्रवृत्तिमा चिन्ता व्यक्त गर्दै भने, "समाज अराजकतातिर गइरहेको छ र हरेक व्यक्तिले आफूलाई राजा जस्तो व्यवहार गरिरहेको छ।" उनले असभ्यता र राष्ट्रिय एकतामा भाँझो हाल्ने शक्तिहरुको आलोचना पनि गरे।

यस क्रममा ओलीले कर्णाली प्रदेशसभामा आफ्नो मन्तव्य राख्दै, नेपालमा वर्तमान राजनीतिक परिवेश र देशको भविष्यका बारेमा आफ्ना विचारहरू साझा गरे।