राष्ट्रिय परीक्षा बोर्डले सोमबार कक्षा १२ को नतिजा सार्वजनिक गरेको छ।

बोर्डका अध्यक्ष महाश्रम शर्माका अनुसार यो वर्ष कूल ५ लाख १० हजार ९८७ परीक्षार्थीमध्ये ६१.१७ प्रतिशत विद्यार्थी उत्तीर्ण भएका छन्।

शर्माका अनुसार नियमिततर्फ ३ लाख ९६ हजार ३४७ परीक्षार्थी सहभागी भए भने आंशिकतर्फ १ लाख १४ हजार ६४० विद्यार्थी सहभागी भएका थिए।

यस वर्षको नतिजा अघिल्ला वर्षहरूसँग तुलना गर्दा केही सुधार भएको देखिएको छ।

बोर्डले नतिजा सार्वजनिक गरेपछि अब विद्यार्थीहरू अनलाइन, एसएमएस र मोबाइल एपमार्फत नतिजा हेर्न सक्ने व्यवस्था गरिएको छ। नतिजामा प्राप्त श्रेणीअनुसार उच्च शिक्षाको तयारी गर्न बोर्डले सबैलाई शुभकामना दिएको छ।