अमेरिकाको लस एन्जलसको जंगलमा लागेको आगो आवासीय क्षेत्रमा फैलिन नदिन अग्नि नियन्त्रकहरूले आफ्नो सम्पूर्ण शक्ति प्रयोग गरिरहेका छन्। आगलागी नियन्त्रणका लागि अधिकारीहरूले आकाशबाट पानी खसाल्ने कार्यलाई प्राथमिकता दिएका छन्।

पालिसेड्सको आगो अहिले एक हजार एकड क्षेत्रफलमा फैलिएको छ र अहिले ब्रेन्टवुड तर्फ बढिरहेको छ। यसै बीच, पानीको अभावका कारण जनतामा आक्रोश बढ्दो छ र अधिकारीहरू रक्षात्मक अवस्थामा छन्। आगलागीका घटनामा अहिलेसम्म कम्तीमा ११ जनाको मृत्यु भएको पुष्टि भएको छ।

अधिकारीहरूले राति हावाहुरी तीव्र हुने सम्भावना रहेको र आगो अझ फैलिन सक्ने चेतावनी दिएका छन्। अमेरिकाको राष्ट्रिय मौसम सेवाले भने कि सान्टा आना हावा जसले आगो प्रज्वलित गरेको थियो, शनिबार र आइतबार फेरि बलियो हुन सक्छ।

क्यालिफोर्नियाका सात छिमेकी राज्य र संघीय सरकार आगलागी नियन्त्रणका लागि सहयोग पठाइरहेका छन्, त्यस्तै, क्यानडा र मेक्सिको जस्ता छिमेकी देशहरूले पनि सहकार्य गर्दै आगो नियन्त्रणमा सहयोग गरिरहेका छन्।