चीनको आर्थिक मन्दीले विभिन्न क्षेत्रमा प्रभाव पार्दै गर्दा स्वास्थ्य क्षेत्र पनि गम्भीर संकटमा परेको छ। शीर्ष अस्पतालहरूमा तलब कटौती र काम बिना पारिश्रमिकजस्ता समस्याहरूले डाक्टरहरू र स्वास्थ्यकर्मीहरूलाई संघर्षमा धकेलेका छन्।

डिसेम्बर ७ मा सार्वजनिक भएको ूशाङ्घाईका मेडिकल स्टाफहरूको तलब कटौतीबारे छलफलू शीर्षकको ब्लगमा स्वास्थ्यकर्मीहरूले आफ्नो संस्थाहरूमा १५ देखि ८० सम्मको तलब कटौती भोगेको उल्लेख गरेका छन्। कतिपय अस्पतालले ५ दिनको काम हप्तालाई ६ दिनमा परिवर्तन गरेका छन्, शनिबार पनि पूर्ण समय काम गर्नुपर्ने बाध्यता बनाएको छ।

शाङ्घाईको हाङ्गु जिल्लाका दोस्रो स्तरका अस्पतालका एक डाक्टरका अनुसार उनीहरूको तलब पहिले नै एक तिहाइले घटिसकेको छ, र आगामी वर्षमा अझै कटौती हुने अपेक्षा छ। यस्तै, शाङ्घाईको बोवान जिल्लाका सामुदायिक अस्पतालका कर्मचारीहरूले वार्षिक आयमा  $2,748   सम्मको कटौतीको सामना गरेका छन्।

अनु जिल्ला र अन्य प्रान्तका शीर्ष अस्पतालहरूमा ६ महिनासम्म तलब नपाएको डाक्टरहरूले वैकल्पिक रोजगारी खोज्न बाध्य भएका छन्। अस्पतालहरूले उपचार खर्च मेडिकल इन्स्योरेन्सबाट भुक्तानी हुने आशामा काम गर्दै आएका थिए, तर अहिले इन्स्योरेन्स फण्डको अभावले गर्दा तलब रोकिएको छ।

डाक्टरहरूका अनुसार ठूलो अस्पतालहरूमा स्थिति झन् खराब छ। महँगो उपचार र जटिल केसहरूको भार थेग्दै आएका अस्पतालहरू अब आफ्ना कर्मचारीहरूलाई तलब दिन असमर्थ छन्।

कतिपय स्वास्थ्यकर्मीले पेशा छोड्ने सोच बनाएको बताएका छन्। शाङ्घाईका साना व्यवसायीले ूबाल अस्पतालहरू बिरामीले भरिएका छन् तर डाक्टरहरूले तलब पाउन सकेका छैनन्ू भन्दै चिन्ता व्यक्त गरेका छन्।

यो संकटको मुख्य कारण मेडिकल इन्स्योरेन्स प्रणालीको आर्थिक पतन मानिएको छ। कतिपय प्रान्तहरूले अन्य क्षेत्रमा फण्ड स्थानान्तरण गर्दा स्वास्थ्य क्षेत्र संकटमा परेको हो।

यसरी स्वास्थ्य प्रणालीमा देखिएको आर्थिक संकटले चीनको व्यापक आर्थिक समस्याहरूलाई प्रतिबिम्बित गरेको छ। डाक्टर र स्वास्थ्यकर्मीहरूले संकटको सामना गर्दै गर्दा बिरामीहरूको उपचार र स्वास्थ्य सेवामा पनि असर परेको छ।