काठमाडौं – नेपाली कांग्रेसका महामन्त्री गगन थापाले पार्टीका सदस्यहरुले गरेको अपराधको जिम्मा पार्टीले नबोकेको स्पष्ट पारेका छन्। गण्डकी प्रदेशस्तरीय अभिमुखीकरण कार्यक्रमलाई सम्बोधन गर्दै उनले कांग्रेसका सदस्यहरूले कुनै पनि प्रकारको अपराध गरेमा त्यसको कडा कारबाही हुने बताएका हुन्।

महामन्त्री थापाले भने, ूकांग्रेसमा रहेका जोसुकै भए पनि सहकारी ठगी संलग्न होस् वा मान्छेलाई बेचविखनमा दोषी देखिए, त्यसका लागि पार्टीले कुनै पनि प्रकारको सहमति र बचाउ गर्दैन।ू

उनले पार्टी शुद्धीकरणको प्रक्रिया सुरु गर्नुपर्ने आवश्यकता औंल्याउँदै भने, ूहामी गाली खाएर बस्ने होइन, हामीले आफ्नै पार्टीभित्र कुरा उठाउनुपर्छ र जहाँ कानुन बनाउने हो, त्यहाँ पनि कुरा उठाऔं। निर्दोष कोही पनि पर्नुहुन्न, दोषी जो भए पनि उम्कनुहुन्न।ू

गगन थापाले पार्टीलाई थप पारदर्शी र उत्तरदायी बनाउने प्रतिबद्धता व्यक्त गर्दै आगामी दिनमा कांग्रेसको शुद्धीकरण प्रक्रिया अघि बढाउने योजनासमेत सार्वजनिक गरे।