चीनमा यस वर्षको स्प्रिङ फेस्टिवल (नयाँ वर्ष) ले अघिल्ला वर्षहरूजस्तो चमकधमक र घर फर्किने भीड देखाउन सकेको छैन। कोविड-१९ महामारीयता चीनको आर्थिक अवस्था जटिल बन्दै गएको छ, जसका कारण सयौं रोजगारी गुमेका छन्। कामदारहरूले पूर्ण पारिश्रमिक पाउन छाडेका छन्, धेरैले आधा तलबमै गुजारा चलाइरहेका छन्। यही कारण मानिसहरू खर्चमा कटौती गरिरहेका छन्, र धेरैजसो घर नफर्किने निर्णय गर्दै छन्। परिणामस्वरूप, सडक, रेल वा हवाईमार्ग सबैजसो खालीप्रायः देखिएका छन्। कतिपय यात्रुहरूका अनुसार नयाँ वर्षको भीडभाड हुने बेलामा समेत पूरा रेल डब्बामा आफूहरू मात्र बसेको अनुभव गरिएको छ।

चीनको उच्च गतिका रेलहरूमा यस वर्ष टिकट मिलाउन उतिखेर सहज थिएन, तर यात्रा गर्दा अधिकांश सीट खाली देखियो। महँगा हाइ-स्पिड रेल टिकटका कारण आम श्रमिकहरूले “हरियो रेल” को रूपमा चिनिने सस्ता विकल्प खोजिरहेका छन्। ती सस्ता रेलहरू मानवरसिएर खचाखच भरिएका छन्, बाथरुमसम्म पनि यात्रुहरूले खालि पाएका छैनन्। तर महँगा रेलको डब्बा भने लगभग खाली नै देखिन्छ, जसले चीनभित्र चरम आय असमानता झल्काउँछ।

रोजगारी गुम्ने डर र घट्दो आयका कारण धेरै चीनियाँ नागरिकले यो वर्ष आफ्नो गाउँ वा शहर नफर्किने निर्णय गरेका छन्। धेरैका लागि यात्रा खर्च ५ हजारदेखी १० हजार युआन (करीब ८०० देखि १६०० अमेरिकी डलर) पर्न सक्छ, जुन कतिपयको झन्डै एक महिनाको पारिश्रमिक बराबर हो। आर्थिक बोझ बढ्ने डरले उनीहरू घर नफर्किने सोच बनाउँछन्, न आफन्त भेट्न मन लाग्छ, न खर्च थाम्न सक्ने अवस्था छ।

चीन सरकारको तथ्यांक अनुसार सन् २०२४ मा देशको अर्थतन्त्र ५ प्रतिशतले बढेको भनिएको छ, तर धेरै नागरिकहरूले आफ्नै पारिश्रमिक आधा घटेको वा अझै कम भएको अनुभव साझा गरिरहेका छन्। सरकारी विवरण र वास्तविकता बीचको फरकप्रति सामाजिक सञ्जालमा व्यापक शंका र ब्यङ्ग्य देखिएको छ। थप रूपमा, सूचीबद्ध धेरै कम्पनीहरूले समेत सन् २०२४ को आम्दानी अनुमानमा घाटा हुने प्रक्षेपण गरेका छन्, जसले चीनको आर्थिक अवस्थाप्रति थप निराशा फैलाइरहेको छ।

न तलब नपाएर पनि कतिपय कामदारहरू आफ्नै रोजगारी छोड्न सकेका छैनन्, किनभने भविष्यमा अन्य रोजगारी खोज्न झन् गाह्रो हुन सक्छ भन्ने डर उनीहरूलाई छ। यस्तै, महँगा उच्च गति रेल उपभोग गर्न नसक्ने ठूला जनसमुदायको उपस्थितिले चीनभित्र महामारीपछि फैलिएको आर्थिक संकट र बढ्दो बेरोजगारीको चित्रण गर्छ।