दक्षिण बागलुङको जैमिनी नगरपालिका–९ पैयुँथन्थाप र वडा नं. १० राङखानी जोड्ने रुम्टाखोला पुल एक वर्षअघि नै सम्पन्न भएको छ। गण्डकी प्रदेश सरकारको पूर्वाधार विकास कार्यालयमार्फत ६ करोड ९ लाख ४६ हजार ३६७ रुपियाँमा सूर्योदय कन्स्ट्रक्सन पर्वतले २०८१ वैशाख ११ गते ठेक्का सम्झौता गरेको पुल २०८३ वैशाख १० गतेसम्म सम्पन्न गर्ने योजना थियो। तर, पर्याप्त मजदुर परिचालन र निरन्तर कामको कारण पुल २०८२ वैशाखमै तयार भयो।

पुल बन्नुअघि बर्खायाममा पानीको बहाब बढ्दा सवारी आवागमन ठप्प हुने र जोखिमपूर्ण यात्राको बाध्यता थियो। अब वर्षा भए पनि कुश्मीसेरा बजारदेखि बरेङ हुँदै गुल्मीको शान्तिपुरसम्म सहज यात्राको सुविधा प्राप्त भएको छ। यसले कृषि उत्पादनको ढुवानीमा समेत सहजता ल्याएको स्थानीय कृषक र नगरप्रमुखहरूले बताएका छन्