सोमबार सेयर बजार २७.९० अंकले घट्दै २८२२ मा कायम भएको छ। कारोबार सुरुमा सकारात्मक देखिए पनि ३२ मिनेटमै बजार ओरालो लाग्यो। ११:३२ बजे २८७५ अंक पुगेको बजार दिनको उच्च स्तर रह्यो।

अघिल्लो दिनको ८ अर्ब ५३ करोडको तुलनामा आज कारोबार रकम १० अर्ब २१ करोड पुगेको छ। ३० कम्पनीको मूल्य बढ्दा २२० घटे। सबैभन्दा बढी माइक्रोफाइनान्स (–२.३५%) र विकास बैंक (–२.३१%) समूह घटे।

रिभर फल्स पावर १०% ले बढ्दै अग्रस्थानमा रह्यो भने उन्नति सहकार्य लघुवित्त ७.६४% ले घट्यो। सबैभन्दा बढी कारोबार शिवम् सिमेन्ट, हिमालयन रिइन्स्योरेन्स, नेपाल पुनर्बीमा, साहस ऊर्जा र बुटवल पावरमा भयो। बजार पूँजीकरण ४७ खर्ब ११ अर्ब रुपैयाँमा झर्‍यो।