प्रतिनिधि सभामा सूचना प्रविधि तथा साइबर सुरक्षा विधेयक र पानीजहाज सञ्चालन विधेयक माथि छलफल प्रारम्भ
संघीय संसदअन्तर्गत प्रतिनिधि सभाको आजको बैठक सुरु भएको छ। कार्यसूचीअनुसार सभामुख देवराज घिमिरेले ‘सूचना प्रविधि तथा साइबर सुरक्षा विधेयक, २०८२’ माथि विचार गर्न प्रस्ताव निर्णयार्थ प्रस्तुत गर्नेछन्।
त्यसैगरी, भौतिक पूर्वाधार तथा यातायात मन्त्री देवेन्द्र दाहालले ‘राष्ट्रिय सभाबाट उत्पत्ति भएको पानीजहाज सञ्चालन तथा व्यवस्थापन विधेयक, २०८१’ लाई दफावार छलफलका लागि सम्बन्धित समितिमा पठाउने प्रस्ताव पेश गर्ने र पारित गर्ने कार्यसूची रहेको छ।
