सामसङ नेपालले नेपाली बजारमा नयाँ पुस्ताको प्रिमियम टेलिभिजन श्रृंखला सार्वजनिक गरेको छ, जसमा ‘सामसङ भिजन एआई’ प्रविधि समावेश गरिएको छ। कम्पनीका अनुसार यो प्रविधिले तस्वीर र ध्वनिलाई कृत्रिम बुद्धिमत्तामार्फत अझ जीवन्त र व्यक्तिगत बनाउँदै घरेलु मनोरञ्जन अनुभवलाई नयाँ आयाम दिनेछ।

सार्वजनिक गरिएको २०२५ मोडेलमा ‘एआई मोड्स’, ‘एआई एक्स्पीरीएन्स’ र ‘मल्टिडिभाइस कनेक्टिभिटी’ जस्ता सुविधा समावेश छन्। कम्पनीले यी सुविधाले प्रयोगकर्ताको बानीअनुसार स्क्रिनलाई वास्तविक समयमा मिलाउने, व्यक्तिगत सामग्री सिफारिस गर्ने तथा स्मार्टफोन, ट्याब्लेट वा अन्य उपकरणसँग सहज जडान गर्ने सुविधा दिने दाबी गरेको छ।

सामसङ नेपालका भिजन व्यवसाय विभागका प्रमुख मलिन कुमार झाले भने, “सामसङ भिजन एआईले व्यक्तिगत स्क्रिन अनुभवको नयाँ युग सुरु गरेको छ, जहाँ प्रयोगकर्ताको प्राथमिकता सामग्रीभन्दा पनि महत्त्वपूर्ण हुन्छ। हामीलाई विश्वास छ कि यो प्रविधिले घरेलु मनोरञ्जनलाई नयाँ स्तरमा पुर्‍याउनेछ।”

नयाँ मोडेलमा जेस्चर कन्ट्रोल, एआई अप्स्केलिङ, जेनेरेटिभ वालपेपर, पेट एण्ड फ्यामिली केयर मोड जस्ता थप सुविधाहरू पनि छन्। यसले टेलिभिजनलाई केवल प्रदर्शन उपकरण नभई स्मार्टथिङ्स मार्फत घरको वास्तविक समय अवस्था बुझ्ने र ऊर्जा खपत व्यवस्थापन गर्ने ‘स्मार्ट हब’मा बदल्ने दाबी गरिएको छ।

सुरक्षाका लागि सामसङ नक्स प्लेटफर्म प्रयोग गरिएको छ, जसले प्रयोगकर्ताको डेटा तथा गोपनीयता सुरक्षित राख्ने र अनधिकृत पहुँच रोक्ने सुविधा दिन्छ। कम्पनीले यी मोडेलहरूमा सात वर्षसम्म निःशुल्क अपग्रेड उपलब्ध गराउने घोषणा पनि गरेको छ।

सामसङका नयाँ टिभी मोडेलहरू नेपालभरका आधिकारिक सामसङ रिटेल स्टोरमा उपलब्ध छन्। प्रिमियम सिरिजको मूल्य रु १,८२,९९० देखि रु ३,९९,९९० सम्म रहेको छ भने, अन्य सिरिजहरू रु ३८,९९० देखि सुरु हुने उल्लेख गरिएको छ। साथै, ग्राहकहरूका लागि शून्य प्रतिशत ब्याजदरमा मासिक किस्ता योजनासहित पुराना टिभी साट्ने सुविधा पनि उपलब्ध गराइएको छ।

यससँगै सामसङले नेपालमा स्मार्ट होम प्रविधि र प्रिमियम मनोरञ्जन अनुभवलाई अझ मजबुत बनाउन गरेको दाबी गर्दै आगामी वर्षहरूमा प्रविधि–नवप्रवर्तनलाई निरन्तरता दिने संकेत गरेको छ।