मुख्तिनाथ क्यापिटल लिमिटेडले विभिन्न वित्तीय संस्था र वाणिज्य बैंकका संस्थापक समूहका ४ लाख ४४० कित्ता शेयर शिलबन्दी बोलपत्र प्रक्रियामार्फत बिक्री गर्ने भएको छ। क्यापिटलले जारी गरेको विज्ञप्तिअनुसार बिक्रीमा राखिएका शेयरमध्ये सबैभन्दा बढी मेरो माइक्रोफाइनान्स लघुवित्त वित्तीय संस्था लिमिटेडका १ लाख ७२ हजार ३७२ कित्ता शेयर न्यूनतम मूल्य प्रति कित्ता ३०० रुपैयाँ तोकिएको छ। यसका लागि न्यूनतम आवेदन ५ हजार कित्ता अनिवार्य गरिएको छ।

त्यस्तै, स्वावलम्बन लघुवित्त वित्तीय संस्था लिमिटेडका ८४ हजार ६५ कित्ता शेयर न्यूनतम मूल्य ३७५ रुपैयाँ र न्यूनतम आवेदन ५ हजार कित्ता, कालिका लघुवित्त वित्तीय संस्था लिमिटेडका ७ हजार ९६८ कित्ता शेयर न्यूनतम मूल्य ३३० रुपैयाँ र न्यूनतम आवेदन १ हजार कित्ता तोकिएको छ। नेपाल इन्भेष्टमेण्ट मेगा बैंक लिमिटेडका १ हजार ३१५ कित्ता शेयर भने न्यूनतम मूल्य १०० रुपैयाँमा बिक्रीका लागि राखिएको छ, जसका लागि न्यूनतम आवेदन पनि १ हजार ३१५ कित्ता मागिएको छ।

क्यापिटलका अनुसार इच्छुक व्यक्ति, कम्पनी वा संस्था तोकिएको शर्तका अधीनमा रही शिलबन्दी फाराम प्रति प्रति फाराम १०० रुपैयाँ तिरेर नारायणचौर, नक्सालस्थित कार्यालयबाट लिन सक्नेछन्। फाराम भदौ २४ गते अपराह्न ३ बजेसम्म बुझाउनुपर्नेछ भने प्राप्त बोलपत्र भदौ २५ गते बिहान ११ बजे कार्यालयमा खोलिनेछ।

यस प्रक्रियामा साविका संस्थापक शेयरधनीलाई पहिलो प्राथमिकता दिने प्रावधान गरिएको छ। बाँकी रहेका शेयर उच्चतम दर अंकित गर्ने योग्य बोलपत्रदातालाई बिक्री गरिनेछ। क्यापिटलले सम्पूर्ण प्रक्रिया नेपाल राष्ट्र बैंकको प्रचलित नियमावलीअनुसार हुने स्पष्ट पारेको छ।

थप जानकारीका लागि इच्छुक पक्षहरूले मुख्तिनाथ क्यापिटल लिमिटेडको नारायणचौर, नक्सालस्थित कार्यालय वा कम्पनीको आधिकारिक वेबसाइटमार्फत सम्पर्क गर्नु सक्नु हुने  छ।