बर्दिया जिल्लाको मधुवन नगरपालिका–५ फुलराम चोकबाट सशस्त्र प्रहरीले करिब ४८ लाख रुपैयाँ मूल्य बराबरको अवैध चाइनिज इलेक्ट्रिकल भेप बरामद गरेको छ । सशस्त्र प्रहरी बलका अनुसार भाद्र ९ गते राति करिब १ बजे विशेष सूचनाका आधारमा खटिएको टोलीले भारततर्फ लैजाने तयारीमा रहेका आठ वटा कार्टुनमा १ हजार ९ सय २० थान भेप बरामद गरेको हो । ती सामान दुई वटा साइकलमा राखी लैजाने क्रममा प्रहरीले नियन्त्रणमा लिएको भए पनि संलग्न व्यक्तिहरू भने सुरक्षा फौज देख्नासाथ फरार भएका थिए ।

सशस्त्र प्रहरी बल नेपाल बीओपी शक्तिपुरबाट खटिएको टोलीलाई नायव निरीक्षक कमल बहादुर नेपालीले कमाण्ड गरेका थिए । बरामद भेपलाई आवश्यक कारबाहीका लागि छोटी भन्सार कार्यालय गुलरिया, बर्दिया बुझाइएको सशस्त्र प्रहरी नायव उपरीक्षक तथा सह–प्रवक्ता शैलेन्द्र थापाले जानकारी दिनुभयो ।

नेपाल–भारत सीमा क्षेत्रमा यस्ता अवैध सामान ओसारपसार हुने क्रम बढ्दै गएको भन्दै सुरक्षा निकायले निगरानी कडा पारेको छ । बरामद भेप भन्सार कार्यालयमा पु¥याइएपछि कानुनी प्रक्रिया अघि बढाइने जनाइएको छ ।