मिडिया फर बोर्डर हार्माेनी, नेपालको आयोजनामा नेपाल–भारत क्रस बोर्डर मिडिया कन्क्लेभ २०२५ वीरगञ्जमा हुने भएको छ ।
यही भदौं १४ गते वीरगञ्जको भिष्वा होटलमा आयोजना गर्न लागेको नेपाल भारत क्रम बोर्डर मिडिया कन्क्लेभमा दुवै मुलुकका गरी ८० भन्दा धेरै पत्रकार तथा मिडियाक्षेत्रका लब्धप्रतिष्ठित व्यक्तित्वहरुको सहभागिता रहने आयोजक संस्थाले जानकारी दिएको छ ।

मिडिया फर बोर्डर हार्माेनी,नेपालका अध्यक्ष अनिल तिवारीले कन्क्लेभमा दुवै मुलुकका सम्पादक,सञ्चारकर्मी, सञ्चारक्षेत्रका स्र्कलर, नीतिनिर्माता, डिजिटल कन्टेन्ट क्रियटर्शहरुको सहभागिता रहने जानकारी दिनुभयो ।

‘‘दुवै मुलुक बीचका पत्रकारहरुबीच आपसी सहयोग र समझदारी बढाउनको लागि मिडिया कन्क्लेभले महत्वपूर्ण भूमिका निर्वाह गर्ने मुख्य उद्देश्य राखिएको छ,’’ उहाँले भन्नुभयो, ‘‘सञ्चारमाध्यममार्फत दुवै देशको साझा हितलाई सुरक्षित गर्नेतर्फ पनि कोशेढुंगा सावित हुने विश्वास लिएका छौ ।’’

अध्यक्ष तिवारीले कन्क्लेभमार्फत नेपाल–भारत मिडिया नेटवर्क स्थापना गरी दुवै देशका पत्रकारबीच दीर्घकालिन र साझा हितमा आधारित सहकार्यलाई सहज बनाउन स्थायी संयन्त्रको रुपमा पनि अघि बढाउन यो सम्मेलनले महत्वपूर्ण भूमिका निर्वाह गर्ने विश्वास लिएको जानकारी दिनुभयो ।

सो कन्क्लेभमा हुने सहभागिहरु प्नि समावेशीतामा समेत विशेष ध्यान दिइने आयोजकले जनाएको छ । सो कन्क्लेभमा मिडिया फर बोर्डर हार्माेनी, भारतको पनि विशेष संयोजनमा हुन लागेको हो । मिडिया फर बोर्डर हार्माेनी, भारतका अध्यक्ष अमरेन्द्र तिवारीले सञ्चारमाध्यमले सार्वजनिक विचार निर्माण गर्ने र कूटनीतिक दृष्टिकोणलाई पनि उजागर गर्ने भएकाले पनि भारत र नेपालबीचको द्विपक्षीय सम्बन्धलाई थप प्रगाढ बनाउन योगदान पुर्‍याउने विश्वास लिएको जानकारी दिनुभयो ।

‘‘नेपाल र भारतबीच सदियौदेखि सांस्कृतिक,ऐतिहासिक,भाषिक र सामाजिक–आर्थिक आयाममा आधारित रहँदै आइरहेको छ,’’ उहाँले भन्नुभयो,‘‘ खुला सीमा नाका र जनस्तरमा ‘रोटी र बेटी’को आत्मिय सम्बन्धले दुवै देशबीचको सम्बन्धलाई थप अद्वितीय बनाएको छ ।’’ उहाँले दुवैमुलुकबीच सुरक्षा सम्बन्धि चुनौतीहरु, क्षेत्रीय,आर्थिक, सामाजिक तथा भुराजनीतिक मुद्धाहरु एक आपसमा गहिरो रुपमा जोडिएकाले पनि दुवै मुलुकबीच दीर्घकालिन साझेदारमा आधारित भएर काम गर्न आवश्यक भएको जानकारी दिनुभयो ।