प्रधानमन्त्री ओली दुबई आइपुग्दा राजदूत क्षेत्रीले गरे स्वागत
प्रधानमन्त्री केपी शर्मा ओली भूपरिवेष्टित विकासशील राष्ट्रहरू (एलएलडिसी)को तेस्रो संयुक्त राष्ट्रसङ्घीय सम्मेलनमा सहभागी हुन तुर्कमेनिस्तान जानुअघि दुबई आइपुग्नुभएको छ ।
उहाँ नेतृत्वको प्रतिनिधिमण्डल गएराति ११:५५ बजे फ्लाई दुबईको उडानबाट प्रस्थान गरी स्थानीय समयअनुसार बिहान ३ बजे दुबई अन्तर्राष्ट्रिय विमानस्थलमा अवतरण गरेको हो ।
प्रधानमन्त्री ओलीलाई युएईका लागि नेपाली राजदूत तेजबहादुर क्षेत्रीले स्वागत गर्नुभयो । उक्त सम्मेलन यही साउन २० देखि २३ गतेसम्म (५–८ अगस्ट) तुर्कमेनिस्तानको अवाजा सहरमा हुँदैछ ।
सम्मेलनमा तुर्कमेनिस्तानका राष्ट्रपति सेरदार बेरदिमुहामेदोभ र संयुक्त राष्ट्रसंघका महासचिव महामहिम एन्टोनियो गुटेरेसको औपचारिक निमन्त्रणामा प्रधानमन्त्री ओली सहभागी हुँदै हुनुहुन्छ ।
