बुढीनन्दाको दर्शन गरेर घर फर्किने क्रममा सम्पर्कविहीन भएका ५५ वर्षीय खिमराज उपाध्याय पाटनको भेडीगोठमा जीवितै फेला परेका छन्।

बडीमालिका नगरपालिका–९, उखाडी घर भएका उपाध्यायलाई इलाका प्रहरी कार्यालय कोल्टीबाट खटिएको टोलीले लेक क्षेत्रमा गोठतर्फ हिँडिरहेका अवस्थामा भेटी सुरक्षित स्थानमा ल्याएको जिल्ला प्रहरी कार्यालय बाजुराका प्रहरी नायब उपरीक्षक इकवाल हवारीले जानकारी दिए।

उनी शुक्रबार साँझ ५:३० बजे बुढीनन्दाबाट फर्किएर चुडेपानी बर डाँडामा पुगेका थिए तर त्यहाँबाट पुनः बुढीनन्दातर्फ फर्किएका कारण खोजीका लागि प्रहरी परिचालन गरिएको थियो।