धरान — धरान उपमहानगरपालिकाका ‘रक स्टार मेयर’ हर्क राज राई (हर्क साम्पाङ) ले २०८१ सालको जेन–जी आन्दोलनपछि आफूलाई प्रधानमन्त्री बन्ने आकांक्षीको रूपमा सार्वजनिक गरेका थिए। तर धरानको मुख्य प्रशासनिक गेटमा रहेको ‘स्थानिय सरकार’ लेखिएको बोर्ड मर्मत गर्न नसक्नु अहिले उनको नेतृत्वको प्रतीकात्मक असफलताको उदाहरण बनेको छ।

उक्त बोर्ड २०८१ सालको साउन महिनामा १० राजनीतिक दलहरूले गरेका आन्दोलनको क्रममा तोडफोड गरिएको थियो। साम्पाङले, २०८१ साउन २४ गते (August 9, 2024) मा आफ्नै फेसबुकमा लेखेका थिए:

“१० दलको आन्दोलनले सार्बजनिक सम्पत्ति तोडफोड गरेर कति लाख बराबरको क्षती गरेको छ सो यकिन गर्न मूचुल्का उठाइनेछ! कानुनमा कसैलाई छुट छैन!”

तर, आश्चर्यजनक रूपमा, त्यो बोर्ड अहिलेसम्म मर्मत गरिएको छैन।

स्थानीय स्रोतहरूका अनुसार, मेयर साम्पाङले यो बोर्ड २०८४ सालसम्म नबनाउने रणनीति बनाएका थिए। अहिले जेन–जेड आन्दोलनपछिको दबाबका बीच नयाँ निर्वाचन घोषणा भइसकेको छ। साम्पाङले त्यस बोर्डलाई ‘संघर्षको प्रतीक’ बनाउँदै चुनावी ब्रान्डिङमा प्रयोग गर्ने योजना बनाएको जनाइएको छ। तर स्थानीय बासिन्दाहरू भन्छन्,

“बोर्ड मर्मत नगर्ने मेयरबाट शहर मर्मतको अपेक्षा गर्नु त आफैंमा मजाक हो।”

धरानका जनता अहिले व्यंग्यमा भन्छन् —

“अब त गेटमा ‘स्थानिय सरकार’ होइन, ‘स्थानिय घमण्ड’ भनेर लेख्न बाँकी छ।”

अब स्पष्ट प्रश्न उठ्न थालेको छ—‘प्रधानमन्त्री बन्ने सपना देख्ने साम्पाङ, एउटा फुटेको बोर्ड मर्मत गर्नसम्म किन असमर्थ छन्?’

धरान, जसले कहिल्यै नेतृत्वको अभाव नभोगेको इतिहास बोकेको छ, अहिले ‘शो–म्यान’ शैलीको नेतृत्वबाट वाक्क भइसकेको छ। बोर्ड जस्तै चुँडिएको विश्वास पुनः जित्न अब गीत, कविता र स्टाटसले होइन—कामले मात्र सम्भव हुनेछ।

साम्पाङले उपमहानगरपालिकाको गेट बनाउने आँट देखाउँदासम्म, धरानका जनताले अर्को गेट—राजनीतिक वैकल्पिकता तर्फ पस्ने तयारी गरिसकेका छन्।

स्मरणीय छ, सुरुमा उक्त बोर्डमा केवल ‘धरान उपमहानगरपालिका, नगरकार्यपालिकाको कार्यालय’ लेखिएको थियो। पछि साम्पाङको प्रस्तावमा ‘स्थानिय सरकार’ थपेर बोर्डमा ठूलो फन्टमा लेखिएको ‘स्थानिय सरकार, धरान उपमहानगरपालिका, नगरकार्यपालिकाको कार्यालय’ बनाइएको थियो — जुन अब उनको राजनीतिक ब्रान्ड होइन, विफलताको प्रतीक बन्न पुगेको छ।

---

मेयर हर्क राज राईको बारे थप पड्न यहाँ क्लिक गर्नुहोस 

हर्क साम्पाङ