नेकपा एमालेको ११औँ महाधिवेशनमा अध्यक्ष पदका प्रतिस्पर्धी वरिष्ठ उपाध्यक्ष ईश्वर पोखरेलको प्यानलमा केही प्रभावशाली नेताहरूले उम्मेदवारी नदिई समर्थन जनाउने रणनीति अपनाएका छन्। अघिल्लो कार्यकालमा उपाध्यक्ष रहेका युवराज ज्ञवाली र अष्टलक्ष्मी शाक्य, साथै अनुशासन आयोगका पूर्व अध्यक्ष अमृत कुमार बोहोरा यसपटक उम्मेदवार नबन्ने निर्णयमा पुगेका छन्।

उनीहरूले आफू चुनावी प्रतिस्पर्धामा नउत्रिए पनि ईश्वर पोखरेललाई सहयोग गर्ने र पार्टीभित्र नयाँ पुस्ताका नेताहरूलाई अघि सार्ने रणनीति अंगालेको बताइएको छ। यसलाई पोखरेल प्यानलको ‘त्याग र पुस्तान्तरण’ केन्द्रित राजनीति रूपमा हेरिएको छ।

यसको विपरीत, ओली पक्षमा भने पद प्राप्ति र व्यक्तिगत आकांक्षा हावी देखिएको टिप्पणीहरू पार्टीभित्र उठ्न थालेका छन्। यही भिन्न रणनीतिका कारण महाधिवेशनको शक्ति सन्तुलन र आन्तरिक बहस थप रोचक बन्दै गएको छ।