किनभने शनि ‘कर्मको अदालत’ हुन्—जहाँ झूट, धोका, भ्रष्टाचार, लोभ र पापको मूल्य कुनै हालतमा माफ हुँदैन।

नेपालमा धेरै मानिसले नैतिकताको ठूलो कुरा गर्छन्, तर व्यवहारमा अनैतिकता सामान्यजस्तै बनिसकेको छ। कसैको अधिकार खोस्ने, झूट बोल्ने, लोभमा डुब्ने, धोका दिने, अरूलाई पीडा पुर्‍याउने—यी सबै काम समाजभर खुलेआम भइरहेका छन्।
यिनै कारणले शनि देवको कठोर परिणामबाट कोही पनि बँच्न सक्दैन।

शनि देव डर देखाउन वा चटक देखाउन आउँदैनन्।
तर मानिसको आफ्नै गलत कर्मले नै उनीहरूलाई भय उत्पन्न गर्ने ग्रहको रूपमा देखाउँछ।

१. शनि कर्मका कठोर न्यायाधीश

शनि कुनै पक्षपात गर्दैनन्।
यदि तपाईंले कसैलाई रुवाउनुभयो भने—शनि तपाईंलाई रुनुपर्ने परिस्थिति देखाउनुहुन्छ।
यदि तपाईंले धोका दिनुभयो भने—जीवनले त्यसैगरी धोका फर्काउँछ।
कर्म अनुसारको फल पाईन्छ—यही नै शनि–नियम हो।

२. शनि ढिलो–तर–निश्चित रूपमा परिवर्तन ल्याउँछन्

शनि गोचर (साढेसाती, ढैया) सक्रिय हुँदा मानिस जीवनमा परीक्षा, अभाव, हानि, एकाकीपन, स्वास्थ्य चुनौती र सम्बन्धमा टुटन अनुभव गर्छ।
यी पीडाहरू कुनै दैवी दण्ड होइनन्—गलत कर्मले संचित गरेको ब्याज मात्र हुन्।
कर्म तपाईंको हो, देवताको होइन—आजदेखि नै आफ्नो कर्म बदल्नुहोस्।

३. धार्मिक कथाहरूले शनि देवलाई ‘अपरिहार्य शक्ति’का रूपमा स्थापित गरेका छन्

कथाहरू भन्छन्—शनि जब कोहीको जीवनमा नजर घुमाउँछन्, सत्य प्रकट हुन्छ, गलत काम उजागर हुन्छ, र दण्डबाट कसैलाई छुट हुँदैन।
नजर घुमाउनु देवताको काम हो; राम्रो–नराम्रो कर्म गर्न चाहनु तपाईंको इच्छा।

४. मनोवैज्ञानिक प्रभाव: समस्या देखिएपछि मात्र शनि सम्झिन्छन्

जब कसैको जीवनमा लगातार दुर्घटना, विवाद, असफलता, आर्थिक दबाब, अपमान वा स्वास्थ्य समस्या आउँछ—मानिसले तुरुन्त भन्छ, “शनि लागेछ!”
किनभने धेरैलाई आफूले गरेका गलत कर्म स्वीकार गर्न गाह्रो हुन्छ।

५. सामाजिक–धार्मिक चेतावनी

किन प्रत्येक शनिबार दान, संयम, सत्य, विनम्रता र अनुशासनको सिफारिस गरिन्छ?
किनभने शनि माया देखाएर होइन—कर्तव्य पूरा गरेर सुधार गराउने देवता हुन्

शनि देवता