"ओलीको चनाखो भनाइ: ‘जनयुद्ध दिवस’ मनाउने र प्रजातन्त्र अस्वीकार गर्नेहरूलाई झापड!"
काठमाडौं – प्रधानमन्त्री केपी शर्मा ओलीले केही समूहलाई हिंसालाई ‘जनयुद्ध’ दिवसको रूपमा मनाउन रुचाउने र साँचो लोकतान्त्रिक परिवर्तनलाई अस्वीकार गर्ने आरोप लगाएका छन्। आइतबार प्रधानमन्त्री तथा मन्त्रिपरिषद्को कार्यालय सिंहदरबारमा आयोजित बैठकमा प्रधानमन्त्री ओलीले यस्तो भनाइ राखेका थिए।
“यो मुलुकको लागि सबैभन्दा ठूलो परिवर्तन हो। यहाँ हिंसालाई जनयुद्ध दिवस भन्न रुचाउनेहरू छन्, तर त्यति ठूलो परिवर्तनलाई मान्न नचाहने तत्वहरू पनि छन्,” उनले भने। “प्रजातन्त्र दिवसलाई अस्वीकार गर्ने कुरा लोकतान्त्रिक हुन सक्दैन। यस दिनलाई भव्यता र आदरका साथ मनाउनुपर्छ,” उनले थपे।
यस वर्ष प्रजातन्त्र दिवस फागुन ६, ७ र ८ गते तीन दिनसम्म नेपाल र विदेशमा रहेका नेपाली दूतावास, कूटनीतिक नियोग र वाणिज्य दूतावासहरूमा दीपावली गर्नेछन्। फागुन ७ गते नेपाली सैनिक मञ्च, टुँडिखेलमा मुख्य कार्यक्रम आयोजना हुनेछ।
प्रधानमन्त्री ओलीले नेपाली जनताको बलिदानी र संघर्षले निरङ्कुशतन्त्र र प्रतिगमनलाई परास्त गरेको ऐतिहासिक दिनलाई जनस्तरमा पनि मनाउन आग्रह गरे।
प्रधानमन्त्री केपी शर्मा ओली
