ताप्लेजुङको फुङलिङमा जारी तेस्रो अन्तर्राष्ट्रिय आमन्त्रण ताप्लेजुङ गोल्ड कपमा पोखराको सहारा क्लब सेमिफाइनल पुग्न असफल भएको छ।

आइतबार भएको दोस्रो क्वाटरफाइनलमा सहारा पोखरा झापाको रेड स्टार फुटबल क्लबसँग २–० गोलले पराजित भयो।

झापाका लागि सविन लिम्बुले ७७औँ मिनेट र दोस्रो हाफको इन्जुरी समयमा गोल गर्दै टोलीलाई सेमिफाइनलमा प्रवेश गराए।

अब झापा सिरहा र पाँचथरबीचको विजेतासँग भिड्नेछ। प्रतियोगितामा सोमबार भारत र काठमाडौँको टोलीबीच प्रतिस्पर्धा हुने छ।

भारतको एक टोलीसहित नेपालका चार प्रदेशका प्रतिष्ठित क्लबहरूको सहभागिता रहेको गोल्ड कपको फाइनल खेल साउन ३१ गते हुनेछ। विजेता टोलीले नगद ७ लाख २ हजार ८२ रुपियाँ, उपविजेताले ३ लाख ५० हजार ८२ रुपियाँसहित ट्रफी, मेडल र प्रमाणपत्र पाउने छन्।

खेलमा सर्वोत्कृष्ट घोषित खेलाडीलाई मोटरसाइकल पुरस्कार स्वरूप दिइनेछ।