भुटानमा सम्पन्न एएफसी यू–२० महिला एसियन कप छनोट खेलमा समूह चरणमै विदा लिएको नेपाली टोली सोमबार स्वदेश फर्किएको छ।

थिम्पुमा भएको अन्तिम खेलमा नेपालले जित्नै पर्ने परिस्थितिमा उत्तर कोरियासँग ११–० को लज्जास्पद हार बेहोरेपछि २०२६ मा थाइल्यान्डमा हुने एसियन कपको यात्रा टुङ्गिएको हो। उत्तर कोरियाले तीनै खेल जित्दै नौ अङ्कसहित छनोट सुनिश्चित गर्‍यो।

नेपालले पहिलो खेलमा भुटानसँग १–१ को बराबरी खेल्दै एक अङ्क जोडेको थियो भने दोस्रो खेलमा साउदी अरेबियामाथि १–० को जित दर्ता गर्दै चार अङ्क पुर्‍याएको थियो। तर सिङ्गल राउन्ड रोबिन प्रारूपमा शीर्ष स्थान प्राप्त गर्न नसक्दा टोली बाहिरियो। दक्षिण कोरियाले पनि प्रभावशाली प्रदर्शन गर्दै साउदी अरेबियालाई १५–० र भुटानलाई १०–० ले हराएको थियो।