खेजात्राको अवसरमा जारी अन्तर्राष्ट्रिय आमन्त्रण तेस्रो ‘ताप्लेजुङ गोल्डकप’मा मधेश प्रदेशको सलहेस युवा क्लब, सिराहाले मङ्गलबार फिदिम स्पोर्टिङ क्लब, पाँचथरलाई ६–० ले हराउँदै अन्तिम सेमिफाइनलिष्ट बनेको छ। फिदिमको कमजोर प्रदर्शनको फाइदा उठाउँदै सलहेसले खेलको सुरुदेखि नै दबाब कायम राखेको थियो।

यसअघि भएको खेलहरूमा भारत, सिलिगुढीको लिजेन्ड फुटबल एकेडेमीलाई हराएर चर्च ब्वाइज क्लब, ललितपुर; आयोजक तेल्लोक स्पोर्टिङ क्लबलाई पराजित गर्दै द योङ ब्रदर्स क्लब, इटहरी; र साहारा क्लबलाई हराउँदै रेड स्टार फुटबल क्लब, झापा सेमिफाइनल प्रवेश गरिसकेका छन्।

अब बुधबार चर्च ब्वाइज क्लब र द योङ ब्रदर्स क्लबबीच पहिलो सेमिफाइनल तथा बिहीबार रेड स्टार र सलहेसबीच दोस्रो सेमिफाइनल हुने आयोजक लाखेजात्रा सञ्चालन समितिले जनाएको छ। प्रतियोगिताको विजेताले ट्रफी, पदक र प्रमाणपत्रसहित नगद सात लाख दुई हजार ८२ रुपियाँ पाउनेछ भने उपविजेताले तीन लाख ५० हजार ८२ रुपियाँ प्राप्त गर्नेछन्।

यस वर्ष उत्कृष्ट खेलाडीलाई १५० सिसिको यामाहा मोटरसाइकल प्रदान गरिने समितिका अध्यक्ष सागर मादेनले जानकारी दिए। साउन २४ गते शनिबारदेखि सुरु भएको प्रतियोगिताको फाइनल साउन ३१ गते हुने छ। स्थानीय पर्वसँगै जोडिएको यो गोल्डकपले सेमिफाइनल चरणमा प्रवेशसँगै खेलको रोमाञ्च र दर्शकको उत्साह थपिने अपेक्षा गरिएको छ।