भेटायो, नेपालको अन्लाइन अर्डरमा आधारित सेवा प्रदायक कम्पनीले काठमाडौं उपत्यकामा घर तथा कार्यालयका प्रयोगकर्ताका लागि प्रोफेशनल एसी सर्भिसिङ सेवा सुरु गरेको जनाएको छ। कम्पनीका अनुसार उक्त सेवा रु १,००० बाट सुरु हुने छ र मोबाइल एप वा फोनमार्फत सजिलै बुक गर्न सकिनेछ।

भेटायोले गर्मीयाममा एसीको कार्यक्षमता घट्ने, हावा पर्याप्त चिसो नआउनु, अनावश्यक आवाज आउनु वा बढी बिजुली खपत हुने समस्या सर्वसाधारणमा देखिने बताउँदै, यस्तो अवस्थाबाट जोगिन नियमित सर्भिसिङ आवश्यक हुने उल्लेख गरेको छ। कम्पनीका प्रवक्ताका अनुसार, “नियमित सर्भिसिङले एसीको आयु बढाउँछ, कार्यक्षमता कायम राख्छ र सफा तथा चिसो हावा सुनिश्चित गर्छ।”

कम्पनीले प्रदान गर्ने सेवामा इनडोर र आउटडोर युनिटको डीप क्लिनिङ, फिल्टरको सफाइ वा आवश्यक परेमा प्रतिस्थापन, मुभिङ पार्टमा ग्रीस लगाउने, विद्युतीय जडान मजबुत पार्ने र सम्पूर्ण प्रणाली परीक्षण गरी उच्च कार्यक्षमता सुनिश्चित गर्ने कार्यहरू समावेश हुने जनाइएको छ।

ग्राहकले भेटायोको मोबाइल एप—एन्ड्रोइड र आइओएस—मार्फत वा फोन गरेर आफ्नो अनुकूल समय र मिति रोजी सेवा बुक गर्न सक्नेछन्। प्रशिक्षित तथा अनुभवी प्राविधिकहरू तोकिएको समयमा घरमै पुगेर सेवा दिने व्यवस्था हुने कम्पनीले जनाएको छ।

भेटायो हाल १५ भन्दा बढी प्रकारका घरेलु तथा कार्यालय सेवाहरू—जसमा प्लम्बिङ, इलेक्ट्रिसिटी, पेस्ट कन्ट्रोल, हाउस क्लिनिङ, ड्राइभर, पेन्टिङ, कारपेन्ट्री लगायतका सेवा—एकै प्लेटफर्मबाट उपलब्ध गराउँदै आएको छ। कम्पनीको दाबी अनुसार, यसको उद्देश्य भरपर्दो, छिटो र पारदर्शी सेवा मार्फत उपभोक्ताको जीवनलाई सहज बनाउनु हो।