एनआईसी एशिया बैंकले आफ्ना ग्राहकलाई स्वास्थ्य उपचारमा विशेष सुविधा प्रदान गर्ने उद्देश्यले कैलाली हस्पिटल प्रालिसँग सम्झौता गरेको छ । सम्झौता अनुसार, धनगढीस्थित कैलाली हस्पिटलमा डिजिटल भुक्तानी गर्ने बैंकका ग्राहकले विभिन्न उपचार सेवामा २० प्रतिशतसम्म छुट पाउने भएका छन् ।

बैंकका अनुसार छुट सुविधा कन्सल्टेन्ट तथा इमर्जेन्सी ओपीडी, जनरल बेड, क्याबिन, आईसीयू, एनआईसीयू, पोस्ट अपरेटिभ रूम, विभिन्न शल्यक्रिया (सामान्य, हाडजोर्नी, स्त्रीरोग, लेप्रोस्कोपिक), प्याथोलोजी परीक्षण, भिडियो एक्स–रे, एक्स–रे, ईसीजी, इको, एन्डोस्कोपी तथा औषधि सेवामा उपलब्ध हुनेछ । ग्राहकले बैंकको डेबिट, क्रेडिट वा प्रिपेड कार्ड प्रयोग गरी वा मोबैंक एपमार्फत भुक्तानी गर्दा मात्र सुविधा लिन सक्ने व्यवस्था गरिएको छ ।

सहकार्यबारे जानकारी दिँदै बैंकका सहायक प्रमुख कार्यकारी अधिकृत तथा प्रमुख सूचना अधिकारी अर्जुन राज खनियाले यसले बैंकका ग्राहकलाई स्वास्थ्य उपचारमा प्रत्यक्ष सहयोग पुग्ने र मुलुकभर नगदरहित कारोबार प्रवर्द्धनमा टेवा पुग्ने विश्वास व्यक्त गरे ।

यसअघि पनि एनआईसी एशिया बैंकले शिक्षा, स्वास्थ्य र डिजिटल भुक्तानी प्रवर्द्धनका क्षेत्रमा विभिन्न सहकार्य गर्दै आएको छ । बैंकले कैलाली हस्पिटलसँगको यो साझेदारीलाई ग्रामीण तथा अर्धशहरी क्षेत्रमा स्वास्थ्य उपचार र डिजिटल सेवा पहुँच विस्तार गर्ने कदमका रूपमा लिनुसकिन्छ ।