नेपाल स्टक एक्सचेञ्ज (नेप्से) परिसूचकमा बुधबार सामान्य गिरावट देखिएको छ। बजार बन्द हुँदा नेप्से सूचक एक दशमलव ९४ अङ्कले घटेर २,८३२.०६ बिन्दुमा झरेको हो।

आज कूल ३२० कम्पनीका दुई करोड १६ लाख ५७ हजार ७०६ कित्ता शेयरहरू ९३ हजार १८५ पटक कारोबार हुँदा कुल रु ७ अर्ब ६३ करोड १३ लाख ७५ हजार ९५२ बराबरको कारोबार भएको छ।

उपसमूहगत सूचक हेर्दा लगानी समूह ०.४९%, लघुवित्त १.४१% र अन्य समूह ०.४४% ले उकालो लागेको छ। बाँकी सबै उपसमूह भने घटेका छन्।

बैंकिङ समूह ०.४७%, विकास बैंक ०.६१%, वित्त ०.४१%, होटल तथा पर्यटन ०.०५% र जलविद्युत् समूह ०.१५% ले घटेका छन्। त्यस्तै, जीवन बीमा ०.४५%, उत्पादन तथा प्रशोधन ०.१०%, निर्जीवन बीमा ०.३६% र व्यापार समूह ०.६६% ले गिरावट आएको छ।

आजको बजारमा विन नेपाल लघुवित्त वित्तीय संस्था लिमिटेड, माहुली लघुवित्त वित्तीय संस्था लिमिटेड र ट्रेड टावर लिमिटेडको शेयरमा सकारात्मक सर्किट लागेको छ। विपरित, थ्रिस्टार हाइड्रोपावर लिमिटेडको शेयर मूल्य सबैभन्दा धेरै ३.७८ प्रतिशतले घटेको छ।

कारोबार रकमका आधारमा सबैभन्दा धेरै ङादी ग्रुप पावर लिमिटेडको रु २९ करोड ४५ लाख ५७ हजार ७५४ बराबरको शेयर किनबेच भएको हो। त्यस्तै, कारोबार भएका कित्ताका आधारमा सनराइज फोकस्ड इक्विटी फण्ड अग्रपंक्तिमा रहेको छ, जसका १८ लाख २७ हजार ६८० कित्ता शेयर खरिदबिक्री भएका छन्।