१३ स्थान उक्लिँदै नेपाली महिला फुटबल टोलीको ऐतिहासिक सफलता

नेपाली महिला राष्ट्रिय फुटबल टोलीले फिफा विश्व वरियतामा ऐतिहासिक सफलता हात पारेको छ । विश्व फुटबल महासङ्घ (फिफा) ले बिहीबार सार्वजनिक गरेको नयाँ वरीयतामा नेपालले १३ स्थानको उक्लो यात्रा तय गर्दै ८७औँ स्थानमा स्थान बनाएको हो । यो नेपालको अहिलेसम्मकै सर्वोच्च स्थान हो । यसअघि सन् २०१७ मा नेपाल ९१औँ स्थानमा थियो ।
यस प्रगतिको साथ, नेपाल दक्षिण एसियाली मुलुकहरूमा भारतपछिको दोस्रो स्थानमा उक्लिएको छ । भारत अहिले ६७औँ स्थानमा रहेको छ । अन्य दक्षिण एसियाली देशहरूको स्थिति भने यस्तो छ: पाकिस्तान: तीन स्थान उक्लिएर १५४औँ,श्रीलङ्का: दुई स्थान तल झरेर १६१औँ,भुटान: आठ स्थान उक्लिएर १६३औँ,माल्दिभ्स: दुई स्थान तल झरेर १६५औँ,एसियाली स्तरमा नेपाल हाल समग्रमा १६औँ,स्थानमा पुगेको छ, जुन क्षेत्रीय सन्दर्भमा उल्लेखनीय सफलता मानिन्छ।
फिफा वरियताको शीर्ष पाँच स्थानमा यथोचित परिवर्तन आएको छ: स्पेन -शीर्षस्थानमा उक्लिएको,अमेरिका- दोस्रो स्थानमा झरेको,स्वीडेन,इङ्ल्यान्ड,जर्मनी नेपालको महिला टोलीले पछिल्लो समय देखाएको निरन्तर सुधार र खेलकुदप्रतिको समर्पणले यो सफलताको आधार तयार गरेको हो। नेपाली फुटबल समर्थकहरूले अब आगामी प्रतियोगिताहरूमा टोलीबाट अझ उत्कृष्ट प्रदर्शनको आशा गरेका छन्।