काठमाडौं । भारतिय मूलका युट्युबर ध्रुव राठीले नेपालका जेन–जेड आन्दोलनसम्बन्धी भिडियोमा तथ्यविहीन दाबी गरेका छन्। उनले १० सेप्टेम्बरमा सार्वजनिक गरेको “What’s REALLY Happening in Nepal? | The Gen-Z Revolt Explained” शीर्षकको भिडियोमा आन्दोलनकारीले पूर्वप्रधानमन्त्री झलनाथ खनालकी पत्नी राज्यमलक्ष्मी चित्रकारलाई मारेको र तत्कालीन अर्थमन्त्री मन्त्री विष्णु पौडेललाई सडकमा कुटपिट गरेको जस्ता आधारहीन दृश्य प्रस्तुत गरिएको छ।

भिडियोको २४ देखि ४१ सेकेन्डबीच देखाइएको सबटाइटलमा “protesters beating him with shoes” तथा “Ex-Nepal PM Jhalanath Khanal’s wife dies after Gen Z protesters set their house on fire” जस्ता वाक्य प्रयोग गरिएको छ। यस्ता घटनाबारे नेपाल प्रहरी वा विश्वसनीय सञ्चारमाध्यमले कुनै पुष्टि गरेका छैनन्।

विशेषज्ञहरूका अनुसार यस्ता भ्रामक सामग्रीले आन्दोलनकारीलाई हिंस्रक देखाउने मात्र नभई नेपाल–भारतबीचको जनस्तरीय सम्बन्धमा पनि भ्रम फैलाउने खतरा हुन्छ।

ध्रुव राठी अन्य सामाजिक वा प्राविधिक विषयमा तथ्यमा आधारित सामग्रीका लागि चर्चित भए पनि राजनीतिक भिडियोहरू प्रायः विवादास्पद हुने गरेको देखिन्छ।

नेपालका तथ्य–आधारित मिडियाले भने यस्ता मिथ्या दाबीलाई तुरुन्तै खण्डन गर्दै नागरिकलाई भरपर्दो सूचना लिन आह्वान गरेका छन्।

Dhruv Rathee gen z