फणीन्द्रको भड़काउपूर्ण शब्द: भारतीय प्रभावलाई चुनौती र प्रधानमन्त्रीको चीन भ्रमणमा समर्थन!
प्रधानमन्त्री खड्गप्रसाद ओलीको चीन भ्रमणको निर्णयप्रति ग्रेटर नेपाल राष्ट्रवादी मोर्चाका अध्यक्ष फणीन्द्र नेपालले स्वागत व्यक्त गरेका छन्। उनले सामाजिक सञ्जालमा भारतीय प्रभावबाट प्रभावित मिडियालाई राष्ट्रविरोधी भनिरहँदा चीन भ्रमणले नेपाल-चीन सम्बन्धलाई सुदृढ बनाउने दाबी गरेका छन्।
फेसबुक टिप्पणी र विवादास्पद अभिव्यक्ति
नेपालले आफ्नो फेसबुक पोस्टमा लेखेका छन्, “प्रधानमन्त्री ओलीको चीन भ्रमणको तयारी हुँदै गर्दा भारत-प्रेरित 'टट्टू' मिडियाले कथा बनाउँदैछ। आफ्नै देशको प्रधानमन्त्रीले विदेश भ्रमण गर्दा अरूको अनुमति किन चाहियो? केही नेपाली मिडिया भारतको 'गोदी मिडिया'सँग मिलेर 'कुत्ते का दाना' टिप्दैछन्। यस्तो व्यवहारले देशको अस्मितामा चोट पुर्याउँछ।” यहाँ प्रयोग गरिएको ‘चुतिया’ जस्तो अपशब्दले उनको फेसबुक पोस्टमा चौतर्फी चर्चा पाएको छ।
फणीन्द्र नेपालले भनेको 'चुतियाको वास्तविक अर्थ के हो?'
फणीन्द्र नेपालको यस पोस्टमा ‘चुतिया’ शब्दको प्रयोगले ध्यान आकर्षित गरेको छ। यो शब्द नेपाली र भारतीय समाजमा सामान्यतया मूर्ख, अज्ञानी, वा अविवेकी व्यक्तिलाई अपमानजनक रूपमा व्याख्या गर्न प्रयोग हुन्छ। मूलतः यो शब्द शरीरको एक भागबाट उत्पन्न भएको भए पनि यसलाई बौद्धिक आलोचना र तल्लो स्तरको निन्दा व्यक्त गर्न समाजमा गालीका रूपमा प्रयोग गरिन्छ। यस शब्दको प्रयोगले फणीन्द्र नेपालको राष्ट्रवादी क्रोधलाई देखाउँछ, जसले नैतिकता र सार्वजनिक सम्मानको दृष्टिकोणमा केही विवाद पैदा गरेको छ। तुच्छ, नीच र अव्यवहारिक शब्द ‘चुतिया’ अंग्रेजी तथा नेपाली भाषाको को अत्यन्त आपत्तिजनक शब्दहरु सँग तुलना गर्न सकिन्छ। यो शब्दले, यद्यपि त्यसको शाब्दिक अर्थ अनुसार प्रयोग नहुँदा, आमतौरमा अत्यन्त तल्लो स्तरको, दुष्ट, वा अपमानजनक व्यक्ति वा परिस्थिति व्याख्या गर्न प्रयोग गरिन्छ।
भारतको प्रभाव र प्रमाणको प्रश्न
फणीन्द्र नेपालले नेपाली मिडियामा भारतीय प्रभाव रहेको गम्भीर आरोप लगाए पनि ठोस प्रमाण भने प्रस्तुत गरेका छैनन्। राष्ट्रवादी अभियानका हिस्साका रूपमा मिडियालाई भारतप्रेरित वा विदेशी प्रभावमा रहेको भन्नुजस्ता यस्ता दाबीहरूको सत्यता पुष्टि गर्न प्रमाण देखाउनु अत्यावश्यक हुन्छ। प्रमाणबिनाका दावीमा आधारित फणीन्द्रको यस्तो अभिव्यक्तिले बहसलाई नकारात्मक दिशातिर लैजान सक्छ। यदि उनले प्रमाण प्रस्तुत गरे भने नेपाल आज प्रमाणलाई सम्पूर्ण रूपमा प्रकाशित गर्न तयार छ; अन्यथा, उनका अभिव्यक्तिहरू गैरजिम्मेवार र ध्यानाकर्षणको निम्ति प्रेरित देखिन सक्छन्। यस्ता हल्लाहरू समाजमा विद्यमान छन् भने पनि, विश्वविद्यालय स्तरमा शिक्षण-शिक्षण गतिविधिमा संलग्न एक व्यक्तिले हिरासतमा रहेका अपराधीहरूले प्रयोग गर्ने तल्लो स्तरका शब्दहरू प्रयोग गर्नु अनुचित ठहरिन्छ।
फणीन्द्र नेपालको राष्ट्रवादी अभियान र नयाँ नक्सा प्रकाशन
फणीन्द्र नेपालले ग्रेटर नेपाल अभियानलाई अन्तर्राष्ट्रिय तहमा पुर्याउने उद्देश्यले विभिन्न भ्रमण गरिरहेका छन्। उनले हालै ३,३४,२५० वर्ग किलोमिटर क्षेत्रफल समेटिएको नयाँ नक्सा सार्वजनिक गरेका छन्, जसले नेपाललाई पूर्वमा ब्रह्मपुत्र नदी र पश्चिममा रावी नदीसम्म फैलिएको दाबी गर्दछ। यसअघि प्रकाशित नक्सामा नेपाललाई तिस्ता नदीदेखि सतलज नदीसम्म मात्र समेटिएको थियो, जसको क्षेत्रफल २,०४,९१७ वर्ग किलोमिटर रहेको थियो।
राष्ट्रवादी विचारधारा र फणीन्द्र नेपालको चुनौती
फणीन्द्र नेपालले राष्ट्रवादी विचारधाराको झण्डा उठाइरहँदा प्रमाण र तथ्यको अभावले यसको प्रभावलाई कमजोर बनाइरहेको छ। भारत-प्रभावित मिडियाको दावी गरेर मात्र राष्ट्रवाद सिद्ध हुँदैन; यसका लागि प्रमाणसहितको आधार चाहिन्छ। उनका भड्काउने किसिमका अभिव्यक्तिले तात्कालिक विवाद सिर्जना गरे पनि लामो समयसम्म राष्ट्रप्रेमी छविका लागि उनीसँग पर्याप्त प्रमाण प्रस्तुत गर्ने जिम्मेवारी हुन्छ।
उनले एकातिर नयाँ नक्साको घोषणाबाट राष्ट्रियता पुनर्जागृत गर्न खोजिरहेका छन् भने अर्कोतिर प्रमाणबिनाका गालीगालतले राष्ट्रवादी अभियानलाई कमजोर बनाउने खतरा छ। यस्ता अभिव्यक्तिले राष्ट्रिय अस्मिता र नेपाल-भारत सम्बन्धलाई तनावपूर्ण बनाउने सम्भावना रहन्छ।
प्रधानमन्त्री ओलीको भ्रमणले देशको गरिमा बढाउने अपेक्षा
प्रधानमन्त्री ओलीको चीन भ्रमणलाई फणीन्द्र नेपालले स्वागत गरे पनि यस भ्रमणको उद्देश्यलाई कसरी सही ढंगले प्रचार गर्ने र राष्ट्रहितमा प्रस्तुत गर्ने भन्ने चुनौती छ। फणीन्द्र नेपाल जस्ता नेताहरूले यसलाई राष्ट्रवादी सिद्धान्तको समर्थनमा प्रस्तुत गर्न सकेमा मात्र यसले दीर्घकालीन प्रभाव पार्न सक्छ।
यस सन्दर्भमा फणीन्द्र नेपाललाई आफ्नो दावीमा ठोस प्रमाण देखाएर अभियानलाई विश्वसनीयता प्रदान गर्न आवश्यक छ।
