भाइरल बालगायकका रुपमा परिचित सचिन परियारको निधन भएको छ । स्वास्थ्यमा समस्या देखिएपछि महाराजगञ्जस्थित टिचिङ अस्पताल भर्ना भएका परियारको बिहीबार बिहान १० बजे निधन भएको बुवा तेजेन्द्र परियारले पुष्टि गरेका हुन् ।

सचिनको स्वास्थ्य अवस्थामा समस्या आएको र उपचारको लागि रकम आवश्यकता भएको भन्दै उनको परिवारले आर्थिक सहयोगको माग समेत गरेको थियो ।

१३ वर्षका सचिनले हास्य श्रृखला ‘मेरी बास्सै’मा उनले अभिनय गरेका छन् । उनका ‘रातो रबर एक’, ‘रुमाल खस्छकी’, ‘के छ र हजुर’, ‘बरको छाँयाले’लगायत गीतहरू सामाजिक सञ्जालमा लोकप्रिय भएका थिए ।