चीनले विश्वभर आफ्नो आक्रामक डिजिटल युद्ध रणनीति विस्तार गर्दै गएपछि दर्जनौँ देशहरू उच्च सतर्क अवस्थामा पुगेका छन्। पछिल्ला रिपोर्टहरूअनुसार चिनियाँ साइबर युनिटहरूले सरकारी सर्भरदेखि लिएर महत्वपूर्ण पूर्वाधार, सञ्चार प्रणाली र निजी नेटवर्कसम्ममा लक्षित घुसपैठ बढाइरहेका छन्।

साइबर हमलाहरू प्रायः “स्टेल्थ मोड” मा सञ्चालन हुने भएकाले धेरै राष्ट्रहरूले आक्रमण प्रारम्भमै पत्ता लगाउन कठिनाइ भोगिरहेका छन्। रणनीतिक तहमा चीनले ठूलो मात्रामा डेटा चोरी, सरकारी गोप्य दस्तावेजहरूमा पहुँच, आर्थिक जासुसी र राजनीतिक प्रभाव विस्तारलाई मुख्य लक्ष्य बनाएको देखिन्छ।

विशेषज्ञहरूका अनुसार, हाल देखिएका ह्याकर समूहहरू केवल आपराधिक नेटवर्क होइनन्, तर ती सीधा राज्यद्वारा निर्देशित संरचना हुन्। यो अभियानको उद्देश्य चीनको भू–राजनीतिक शक्ति मजबुत पार्नु र प्रतिद्वन्द्वी राष्ट्रहरूको सुरक्षात्मक क्षमतामा कमजोरी ल्याउनु रहेको विश्लेषण गरिएको छ।

अनेकौं देशमा ऊर्जा, यातायात, सैन्य सञ्चार, बैंकिङ प्रणाली तथा स्वास्थ्य क्षेत्रमा समेत गम्भीर खतराहरू देखापर्न थालेपछि साइबर सुरक्षालाई राष्ट्रिय सुरक्षाको मूल घटकका रूपमा पुनः स्थापित गरिएको छ। अमेरिकादेखि युरोप, दक्षिण एसिया, अफ्रिका र दक्षिणपूर्वी एशिया सम्मका देशहरू चीनका साइबर गतिविधिबारे खुला रूपमा चिन्तित छन्।

नियमित डिजिटल हमला, डेटा चोरी तथा महत्वपूर्ण पूर्वाधार लक्ष्यित कार्यहरूले विश्वव्यापी सुरक्षा परिवेशमै अस्थिरता पैदा गरिरहेको विशेषज्ञहरूको चेतावनी छ। धेरै राष्ट्रहरूले अब संयुक्त साइबर प्रतिरक्षा रणनीति अपनाउने तयारी गरिरहेका छन्।