काठमाडौं: नेपालको लोकतान्त्रिक व्यवस्था र संविधान, २०७२ को स्थापना भएको धेरै वर्ष बितिसकेपछि, मन्त्रीहरू अझै पनि कुन शासन व्यवस्थामा काम गरिरहेका छन् भन्ने आधारभूत कुरा समेत भूलिरहेका छन्। यसै कारणले भिआइपीहरू बारम्बार हाँसोको पात्र बन्न थालेका छन्।

युवा तथा खेलकुदमन्त्री तेजुलाल चौधरीले नेपाल स्काउट कर्मचारी नियमावलीमा 'श्री ५ को सरकार' लेखेर नियममा हस्ताक्षर गरेका छन्। यो नियम, जसको बारेमा संशोधनको अनूसूची-४ (क) मा उल्लिखित छ, देशको शासन व्यवस्थासँग मेल नखाने थप विवाद सिर्जना गरेको छ।

सामाजिक सञ्जालमा मन्त्रीको भूललाई लिएर चर्को आलोचना भइरहेको छ। हिमालय चन्दले भने, "मन्त्री भएर केही नजान्नेले के देश चलाउँछ?" भने कमलप्रकाश घर्तीमगरले "संविधान बन्ने बेला कोमामा थिए होलान्, अहिले ब्यूँझिए कि हालका मन्त्रीजी?" भन्दै मजाक उडाएका छन्।

सरकारी कार्यालयहरू अझै पुरानै ढाँचामा चलिरहेका ज्वलन्त उदाहरणको रूपमा मन्त्रीको यो भूललाई हाइलाइट गरिएको छ। एक सरकारी अधिकारी उपसचिव लेखनाथ न्यौपानेले भने, "त्यो कुरा आइरहेको छ तर के–कसरी त्यसो हुन गयो भन्ने मलाई जानकारी छैन।"

यसअघि, खानेपानीमन्त्री मणि थापाले पनि ‘श्री ५ को सरकार’ उच्चारण गरेपछि चर्को विरोध भोग्नुपरेको थियो र उनले सार्वजनिक रूपमा माफी मागेका थिए।

खानेपानीमन्त्री मणि थापा युवा तथा खेलकुदमन्त्री तेजुलाल चौधरी