"राष्ट्रपति पौडेलको चेतावनी: सत्ता र शक्तिको दुरुपयोगले देशलाई भ्रष्टाचारको खाडलमा डुबाउँछ!"
काठमाडौं: राष्ट्रपति रामचन्द्र पौडेलले सत्ता र शक्तिको अनावश्यक मोहले देशलाई भ्रष्टाचारको संकटमा धकेलिरहेको भन्दै गम्भीर चिन्ता व्यक्त गर्नुभएको छ।
अख्तियार दुरुपयोग अनुसन्धान आयोगको ३४औं स्थापना दिवसको अवसरमा बोल्दै राष्ट्रपति पौडेलले, “सत्ता र शक्तिको मोहले मात्र प्रक्रिया र पद्धतिलाई दुरुपयोग गर्दै भ्रष्टाचारलाई प्रोत्साहन दिइरहेको छ” भन्ने कुरा उल्लेख गर्नुभयो। उहाँका अनुसार, प्रविधिको तीव्र विकाससँगै भ्रष्टाचारका तरिकामा जटिलता थपिएको छ, जसले नियन्त्रण गर्न थप चुनौती प्रस्तुत गरिरहेको छ।
राष्ट्रपतिले सुशासनको पहिलो शर्त पारदर्शिता हो भन्ने कुरा दोहोर्याउँदै भने, “पारदर्शिता बिना लोकतन्त्रको वास्तविक मूल्य प्राप्त गर्न असम्भव छ। यसका लागि सदाचार, निष्पक्षता र पारदर्शिता मूल मन्त्र बन्नुपर्छ।”
अधिकार र जिम्मेवारीको दुरुपयोग रोक्नका लागि आवश्यक कानुनी सुधार र अन्तर्राष्ट्रिय भ्रष्टाचार नियन्त्रण मापदण्डमा नेपालको ध्यान आकर्षण गर्ने आवश्यकता रहेको राष्ट्रपति पौडेलको भनाइ छ।
राष्ट्रपति रामचन्द्र पौडेल
