काठमाडौं – अमेरिकी राष्ट्रपति डोनाल्ड ट्रम्पले चीनसँग व्यापार सम्झौतामा नयाँ सम्भावना रहेको बताएका छन्। उनका अनुसार, सन् २०२० मा चीनसँग ठूलो व्यापार सम्झौतामा सहमति जनाइसकेको र अब नयाँ सम्झौताका लागि मार्ग खोलिएको छ।

ट्रम्पले आफ्नो दोस्रो कार्यकालको शुरुतिरै चीन, क्यानडा, मेक्सिको र युरोपेली संघका देशहरूलाई ध्यानमा राख्दै व्यापक कर प्रणाली लागू गर्ने चेतावनी दिएका थिए।

फेब्रुअरीको सुरुमा, उनले चीनबाट आयात हुने सबै सामानमा १० प्रतिशत थप भन्सार शुल्क लागू गरेका थिए। त्यसका अलावा, ट्रम्पले सबै आयातित कारमा २५ प्रतिशत कर र औषधि तथा सेमीकन्डक्टरहरूमा समान वा उच्च शुल्क लगाउने चेतावनी दिएका छन्।

यसअघि, उनले क्यानडा र मेक्सिकोबाट आउने सामानमा २५ प्रतिशत कर लागू गर्ने घोषणा गरेका थिए, तर केही घण्टा अघि उनले निर्णयलाई स्थगित गर्दै मार्च १ सम्म यसलाई लागू नगर्ने घोषणा गरे। यसरी, एक महिनाको लागि राहत प्राप्त भएको थियो।

गत हप्तामा, उनले विदेशबाट आयात हुने स्टील र आल्मुनियममा २५ प्रतिशत थप कर लगाउने कार्यकारी आदेशमा हस्ताक्षर गरेका थिए।