चितवनबाट रविन्द्रले दिए बाबुरामलाई दनक
काठमाडौं । राप्रपाका वरिष्ठ उपाध्यक्ष रविन्द्र मिश्रले पूर्वप्रधानमन्त्री डा. बाबुराम भट्टराईलाई कडा शब्दमा सम्बोधन गर्दै सामाजिक सञ्जालमा कडा टिप्पणी गरेका छन् ।
उनले बाबुरामलाई ‘वाहियातको राजनीति नगर्न’ आग्रह गर्दै, सत्ता सम्हाल्ने बेला राजसंस्था स्वीकृत गर्ने र सत्ता नपाउँदा गणतन्त्र र प्रगतिको पक्षमा खडा हुने भनाइलाई आलोचना गरेका हुन् ।
रविन्द्रले बाबुरामको अस्थिर दृष्टिकोणलाई निशाना बनाउँदै ‘तपाईंको हातमा सत्ता आएको खण्डमा राजसंस्था स्वीकार्य र राजसत्ता नआएको खण्डमा गणतन्त्रवादी र प्रगतिशिल बन्ने?’ भन्दै प्रश्न गरे । उनले यस्ता खाले वाहियात राजनीति गरे देशको राजनीति बर्बाद हुने चेतावनी दिए।
उनले भने, ‘बाबुराम जि र मेरो दोहोरी बेला बेलामा चलिरहन्छ । पहिलो संविधान सभाको ठिक अगाडि उहीँ सुरु प्रयोग गरेर राजालाई माओवादी र राजा भएर सत्ता लिउँ । कुनै न कुनै किसिमको राज संस्था हामी स्विकार्न तयार छौं भनेर भन्नु भएको थियो । साथै बाँकी अन्य पार्टीहरुलाई खास गरि एमाले र काग्रेसलाई पाखा लगाऔं भनेर संम्वाद गरेको हो की होइन ? दोस्रो संम्वादमा प्रचण्डलाई समेत राखेर सोही सुत्र मार्फत राजासँग अब सत्ता कब्जा गरौं हामी राजसंस्था स्विृकार्न तयार छौं भनेर वार्ता गरेको हो की होइन ? तपाईंको हातमा सत्ता आयो भने तपाईंलाई राजसंस्था स्वृकार्य हुने , अनि तपाईंको हातमा राजसत्ता आएन भने घनघोर गणतन्त्रवादी र प्रगतिशिल हुने ? यस्तो किसिमको वायत कुराले यो देशको राजनीति बर्बाद भएको छ ।’
मिश्रले बाबुरामसँगको आफ्ना संवादहरूको समेत खुलासा गर्दै यसलाई प्रमाणित गर्नका लागि अन्य स्रोतहरू समेत रहेको बताए ।
