स्वर्गद्वारी गुठी पीडित मोही किसान संघर्ष समितिको विरोध प्रदर्शनमा नयाँ बानेश्वरमा झडप भएको छ। यस झडपमा प्रहरी वृत्त सिंहदरबारका डीएसपी गंगा पौडेल घाइते भएका छन्। पौडेलको टाउकोमा गम्भीर चोट लागेको छ र उनलाई उपचारका लागि सिभिल अस्पताल, मीनभवनमा भर्ना गरिएको छ।

पुर्व निर्धारित र्याली गौशालास्थित पशुपति धर्मशालाबाट सुरु भएको थियो, जसमा ब्यानर र प्लेकार्ड सहित प्रदर्शनकारीहरू सहभागी थिए। र्यालीले नयाँ बानेश्वरमा पुगेर धर्ना बस्न चाहँदा विरोध प्रदर्शन तीव्र भएको र झडप उत्पन्न भएको बुझिएको छ। प्रदर्शनकारीहरूले "जमिनमाथिको द्वैध स्वामित्व अन्त्य गर", "मोही पूर्जाको हक सुनिश्चित गर", "गुठी ऐन जारी गर", "धर्मको नाममा शोषण गर्न पाईंदैन" लगायतका नारा लगाएका थिए।