झापा । नेकपा (माओवादी केन्द्र) का नेता तथा पूर्वमन्त्री सुदन किरातीले केपी ओली नेतृत्वको वर्तमान सरकार ढल्न लागेपनि दुर्गा प्रसाईं अक्सिजन बनेको दाबी गरेका छन् । झापाको बुद्धशान्ति गाउँ कमिटीको दोस्रो अधिवेशनको उद्घाटन गर्दै नेता किरातीले यस्तो बताएका हुन्।

राजावादीहरुको चैत्र १५ गतेको तिनकुने घटनालाई देखाएर आफ्नो संकटलाई मोड्न वर्तमान सरकार सफल भएको उनको दाबी छ । उनले भने,‘मलाई लाग्छ दुर्गा प्रसाईलाई भित्रभित्र केपी ओली सरकारले धन्यवाद दिएको छ।’ 

उनले नेपाल विद्युत प्राधिकरणको नेतृत्वबाट कुलमान घिसिङलाई नियोजित रुपमा अपदस्थ गरेसँगै भ्रष्टाचार र बेथितिले चौतर्फी घेरिएको ओली सरकार ढल्नै लागेको थियो भन्ने खुलासा गरेका छन् ।