पशुपतिनाथ मन्दिर परिसरस्थित आर्यघाटमा शव जलाउने क्रममा हड्डी निकालेर अरूलाई दिएको आरोपमा प्रहरीले दुई जनालाई पक्राउ गरेको छ।

पक्राउ पर्नेमा शव जलाउने कार्यमा संलग्न गणेश ढकाल र उनका सहयोगी रहेको जिल्ला प्रहरी परिसर काठमाडौँका प्रवक्ता तथा प्रहरी उपरीक्षक कुलदीप चन्दले जानकारी दिनुभयो।

प्रहरीका अनुसार शुक्रबार काभ्रेपलाञ्चोकको बनेपा नगरपालिका–९ का राम शाहीको शव जलाउने क्रममा हड्डी निकालेर एक तान्त्रिकलाई दिएको आरोप मृतकका परिवारले लगाएपछि प्रहरीले दुवैलाई नियन्त्रणमा लिएको हो।

हाल उनीहरूलाई प्रहरी वृत्त गौशलामा राखी सोधपुछ तथा थप अनुसन्धान भइरहेको प्रवक्ता चन्दले बताउनुभयो |