कैलालीमा छुट्टाछुट्टै स्थानबाट हेरोइनसहित तीन जना पक्राउ परेका छन्। बर्दगोरिया गाउँपालिका–४ पुरैनाताल सामुदायिक वन नजिक लागुऔषध सेवन गरिरहेको अवस्थामा लम्कीचुहा नगरपालिका–६ गुलरा बस्ने २७ वर्षीय शङ्कर जैसी र बर्दिया गेरुवा गाउँपालिका–१ थापापुरका २४ वर्षीय किरण रावललाई प्रहरीले नियन्त्रणमा लिएको हो।

उनीहरूको साथबाट सात ग्राम खैरो हेरोइन बरामद भएको प्रहरीले जनाएको छ।

यसैगरी, जानकी गाउँपालिका–१ दुर्गौलीबाट सोही ठाउँका २७ वर्षीय क्षेत्रराज रावतलाई १०० मिलिग्राम खैरो हेरोइनसहित पक्राउ गरिएको इलाका प्रहरी कार्यालय टीकापुरले जनाएको छ।