युद्ध रोकिँदैन, प्रतिबन्ध मात्र बढ्छ! ट्रम्पको खुला चुनौती रूसलाई
युक्रेनमा जारी युद्धकूटनीति प्रायः जामजस्तै भएको बेला अमेरिकी राष्ट्रपति डोनाल्ड ट्रम्पले रूसविरुद्ध थप प्रतिबन्ध लगाउने तयारी भएको संकेत दिनुभएको छ। आइतबार न्यूयोर्क प्रस्थान गर्नुअघि पत्रकारको छोटो प्रश्नको जवाफ दिँदै उनले “हो, म तयार छु” भनेर प्रतिक्रिया दिएका थिए। तर, प्रतिबन्धको स्वरूपबारे उनले कुनै विवरण सार्वजनिक गरेनन्।
गत साता अमेरिकी सञ्चारमाध्यमले ह्वाइट हाउसका दुई वरिष्ठ अधिकारीलाई उद्धृत गर्दै राष्ट्रपति ट्रम्प न त युद्ध छिट्टै अन्त्य हुने अपेक्षामा हुनुहुन्छ, न त रूस–युक्रेनका राष्ट्रपति बीच तत्काल प्रत्यक्ष वार्ता सम्भव देख्नु भएको छ भन्ने जानकारी दिएको थियो। यसले वाशिङ्टनको दृष्टिकोण अझ कडा हुँदै गएको संकेत गर्छ।
यहीबीच, आइतबार बिहान रूसले युक्रेनको राजधानी किएभमा गरेको ड्रोन र क्षेप्यास्त्र आक्रमणका कारण सरकारी क्षेत्रमा रहेको एक महत्त्वपूर्ण प्रशासनिक भवन क्षतिग्रस्त भएको बताइएको छ। युक्रेनकी प्रधानमन्त्री युलिया स्विरिदेन्कोले युद्ध सुरु भएयता पहिलो पटक किएभको मुख्य सरकारी भवनमाथि प्रत्यक्ष क्षति पुगेको भन्दै यसलाई गम्भीर घटना बताएका छन्।
ह्वाइट हाउसले घटनालाई नजिकबाट मूल्याङ्कन गरिरहेको र आवश्यक परे निर्णायक कदम चाल्न सकिने संकेत दिएको छ। यसले द्वन्द्व समाधानभन्दा उल्टो, रूस र पश्चिमबीचको दूरी अझै बढ्दै जाने सम्भावना देखाएको छ।
