कोलकाता, (नेपाल आज)। पश्चिम बंगालका राज्यपाल डा. सीवी आनन्द बोसले आफूमाथि लागेको यौन उत्पीड़नको आरोपहरूलाई निराधार बताउँदै यसलाई मुख्यमन्त्री ममता ब्यानर्जीको षड़यन्त्र ठहर गरेका छन्। सुप्रीम कोर्टले शुक्रवार मात्रै यस मामिलामा शिकायत दर्ता गराउने केटीको याचिकामा सुनवाईको निम्ति राजभवनलाई नोटिस जारी गरेको छ। यसपछि अबेर साँझ राज्यपालले ट्वीट गर्दै भने, "२ मे २०२४ मा यो झूठो आरोप अगाडि आएको थियो, जसपछि एक पूर्व न्यायाधीशद्वारा एक आन्तरिक न्यायिक जाँच गरिएको थियो।"

राज्यपालले बताए अनुसार जाँचको प्रारम्भिक रिपोर्टले देखाएको छ कि शिकायतकर्ताले राजभवनको उत्तरी गेटस्थित पुलिस कार्यालयमा लगभग दुई घण्टा बिताएको थियो, जसपछि उसलाई एक पुलिस कारमा लगिएको थियो। पछि समाचार पत्रहरूले एउटा भिडियो जारी गरेका थिए, जसमा यौन उत्पीड़नको आरोपहरूको विवरण थियो। यो भिडियो राजभवनको पुलिस कार्यालयभित्र रेकर्ड गरिएको देखिन्छ।

रिपोर्टमा यो पनि उल्लेख गरिएको छ कि कोलकाता पुलिसले शिकायतकर्तालाई उक्साएको थियो र झूठो आरोपहरू बनाउनमा सहयोग गरेको थियो। राज्यपालले भनेका छन्, "शिकायतकर्तालाई राजभवनको उत्तरी गेटको पुलिस चौकीमा लगेर उसलाई एउटा कथा सुनाउनका लागि बाध्य गरिएको देखिन्छ, जसलाई पुलिसले भिडियोमा रेकर्ड गर्यो र मीडियालाई लीक गर्यो। यो आरोप मुख्यमन्त्री ममता ब्यानर्जीद्वारा रचिएको हो र यो एक प्रक्सी वार हो, जसमा मुख्यमन्त्रीले सार्वजनिक धनको उपयोग गरेर महंगा वकीलहरूलाई सुप्रीम कोर्टमा पक्ष राख्न नियुक्त गरिरहेकी छन्। म मुख्यमन्त्री ममता ब्यानर्जीको घृणित चालहरूले डराउने छैन र उनको भ्रष्टाचार र हिंसाको विरुद्ध आफ्नो लड़ाई जारी राख्नेछु।"