नेकपा माओवादी केन्द्र र नेकपा एकीकृत समाजवादीसहित १० कम्युनिस्ट घटकहरू ‘नेपाली कम्युनिस्ट पार्टी’का रूपमा एक भएको घोषणा भएको छ।
कम्युनिस्ट पृष्ठभूमिका साना–ठूला दलहरू मिलेर बनेको नेपाली कम्युनिस्ट पार्टीका संयोजकमा पुष्पकमल दाहाल ‘प्रचण्ड’ चयन भएका छन्। यससँगै प्रचण्ड धेरै पार्टीको नेतृत्व गर्ने नेता रूपमा नयाँ रेकर्डमा उभिएका छन्।

नेकपा चौथो महाधिवेशनबाट अलग भएर बनेको नेकपा माओवादी पछिल्लो रूपमा नेकपा माओवादी केन्द्रमा रूपान्तरण भएको हो। नेकपा मशालदेखि नेपाली कम्युनिस्ट पार्टी सम्मको मुख्य नेतृत्वमा प्रचण्ड नै रहँदै आएका छन्। यति धेरै पार्टीको नेतृत्व गर्ने अवसर अरू नेताले पाएका छैनन्।

एकता समारोहमा प्रचण्डले आफ्नो जीवनमा विरलै देखिने संयोग आइपरेको भन्दै आफ्नो राजनीतिक इतिहासको विश्लेषण गरेका थिए।
प्रचण्डले नेतृत्व गरेको पार्टीको वंशावली यस्तो छः

१) नेकपा (चौथो महाधिवेशन)
२) नेकपा (मशाल)
३) नेकपा (एकता–केन्द्र)
४) नेकपा (माओवादी)
५) एकीकृत नेकपा (माओवादी)
६) नेकपा (माओवादी–केन्द्र)
७) नेपाल कम्युनिस्ट पार्टी
८) नेकपा (माओवादी–केन्द्र)
९) नेपाली कम्युनिस्ट पार्टी
 

नेकपा माओवादी