प्रधानमन्त्री नरेन्द्र मोदीको हालै सम्पन्न ब्राजिल भ्रमणले भारत र दक्षिण अमेरिकी मुलुकहरूबीचको रणनीतिक साझेदारीलाई थप मजबुत बनाएको छ। विश्वव्यापी व्यापारिक भूगोलमा तीव्र परिवर्तन आइरहेका बेला भारतले दक्षिण अमेरिकासँगको सम्बन्ध विस्तार गरेर नयाँ अवसरहरूलाई समेट्न खोजेको छ। मोदीको भ्रमणको क्रममा उनले ब्राजिलका राष्ट्रपतिसँग उच्चस्तरीय बैठक गर्दै द्विपक्षीय व्यापार, उर्जा, कृषि प्रविधि, तथा जलवायु परिवर्तनजस्ता विषयमा गहिरो छलफल गरेका थिए।

ब्राजिल भ्रमणकै क्रममा प्रधानमन्त्री मोदीलाई ब्राजिलको सर्वोच्च नागरिक सम्मान “ऑर्डर अफ द साउथ क्रस” प्रदान गरिएको छ, जसलाई भारत–ब्राजिल सम्बन्धमा एक ऐतिहासिक मोडका रूपमा हेरिएको छ। यो सम्मानले भारतलाई दक्षिण अमेरिकी शक्तिशाली मुलुकहरूसँग कूटनीतिक रुपमा अझ नजिक बनाएको विश्लेषकहरू बताउँछन्।

भारत र ब्राजिल दुबैजना ब्रिक्स (BRICS) संगठनका सदस्य मुलुक हुन्, र दुबै देश विकासोन्मुख अर्थतन्त्रहरूलाई सशक्त बनाउने अभियानमा साझा दृष्टिकोण राख्छन्। मोदीको भ्रमणले यी साझा चासोलाई गहिर्याउने काम मात्र गरेन, विश्व राजनीतिको केन्द्रबिन्दु बन्न थालेको दक्षिण गोलार्द्धमा भारतको उपस्थिति र प्रभाव पनि सशक्त बनाएको छ।

यस भ्रमणले भारतको ‘ग्लोबल साउथ’ रणनीतिलाई बलियो आधार दिएको छ, जसअन्तर्गत भारतले आफैंलाई विकासशील राष्ट्रहरूको आवाजको रूपमा प्रस्तुत गर्ने प्रयास गर्दै आएको छ। ब्राजिलका नेताहरूले समेत भारतसँगको प्राविधिक र आर्थिक सहकार्यलाई आगामी वर्षहरूमा अझ बढाउने संकेत दिएका छन्।

प्रधानमन्त्री मोदीको यो भ्रमणले भारतको वैदेशिक नीति र कूटनीतिक पहुँचलाई विस्तार मात्र गरेन, आगामी दशकमा भारतको भू-राजनीतिक रणनीतिमा दक्षिण अमेरिका एउटा केन्द्रबिन्दु बन्ने सम्भावनालाई पनि प्रष्ट पारेको छ।